كتب: شادي محمد علي
بدأ منذ قليل امتحان الكيمياء لطلاب الشعبة العلمية بمدرسة الأورمان بالدقى.
وظهر العديد من أولياء الأمور أمام مدرسة الأورمان بالدقي، وبدى عليهم القلق الشديد أثناء انتظار أبنائهم خوفاً من مادة الكيمياء، وقالت إحدى أولياء الأمور “الكيمياء صعبة والمدرس مجالناش ليلة الإمتحان وربنا يستر علي بنتي”.
بينما قالت الأخرى “النظام الجديد هيزود من صعوبة المادة والطلاب داخلين مش عارفين لا شكل الامتحان ولا الأسئلة هتيجي إزاي وربنا يستر علينا”.
وعلى الصعيد الآخر، قال أحد الآباء من أولياء الأمور “الموضوع مش موضوع كيمياء، الموضوع موضوع تلت سنين راحوا هدر، العيال هتطلع فاشلة ومحدش فيهم فاهم حاجة، قبل كدا كنا نقول الطالب هو اللي مقصر لكن دلوقتي العيب من مين والعيال بتذاكر؟”.
وأعربت مجموعة من الأمهات عن خوفهم وقلقهم الشديد، فقالت إحداهن “من النهاردة وعلى رأي العيال لما بتقول بدأت المواد المستحيلة” بينما قالت الأخرى “ربنا يستر العيال بتروح دروس وتجيب ملازم وفي الاخر بيلاقوا حاجات تانيه غير الملازم وغير المنهج.. النهاردة المادة صعبة وربنا يستر علي ابني”.
وعلى صعيد متصل قالت أحد الأمهات من أولياء الأمور إلى والدتها “يا أمي عندك ٣ ساعات بنتي هتمتحن فيهم متعمليش حاجة غير انك تدعيلها.. ادعيلها في الوقت دا ربنا يسترها عليها”.