داعية إسلامية يوجه رسالة طمأنة لطلاب الثانوية العامة

وجه الداعية مصطفى حسني، رسالة لطلاب الثانوية العامة، قائلًا: “عايز أفكركم بحاجة، الشيطان مابيسبناش وإحنا داخلين على مواقف كبيرة زي امتحانات ثانوية عامة، امتحان بيقرر المصير، هدخل كلية ايه، وعلى أساسها نفسي في حاجة ممكن تيجي وممكن ماتجيش، فالإنسان بيبقى متوتر”.

وتابع حسني، عبر صفحته الرسمية، على موقع التواصل الاجتماعي، فيسبوك، “أن “الشَّيْطَانُ يَعِدُكُمُ الْفَقْرَ”، ييأسك ويخليك تتشاءم من مستقبلك، ويحسسك إنك داخل الامتحان هتنسى كل حاجة فلما تنسى مش هتعرف تجاوب، ولما متعرفش تجاوب متعملش اللي نفسك فيه فمستقبلك يفسد!”.

وأضاف حسني، قائلًا: “المستقبل بإيد ربنا.. أنا هعمل اللي عليا وأذاكر لإني أُمرت بكده.. أخد بالأسباب.. أما المكتوب على الجبين لازم تشوفه العين.. ولو ربنا مقرر لي أدخل هنا ولا هنا.. خلاص.. “اعملوا فكلٌ مُيسر لما خُلق له”.. أنا هاخد بالأسباب أقصى ما أستطيع.. وأسلم لربنا سبحانه وتعالى”.

وأوضح حسني، أن كثرة ترديد “لا إله إلا الله”، تساعد على طرد أي وساوس تراود الطالب، داعيًا الله أن يوفق طلاب الثانوية العامة ويشرح صدورهم ويجبر خواطرهم فيما يتمنوه.